Домат (науч. Solanum lycopersicum) — едногодишно растение од фамилијата зрнци (Solanaceae), слично на компирот. Се употребува за исхрана на луѓе и животни. По потекло е од Централна, Јужна и од јужните краеви на Северна Америка - од Мексико до Перу.

Доматот е зеленчук што во исхраната се употребува свеж, конзервиран, како сок, прелив (кечап - доматен сос) или како зачин. Неговите плодови се богати со витамин Ц, каротин, витамин Б1 и витамин Е. Покрај витамините, во него се среќаваат и значајни количества на манган, железо и бакар.